,,,INDRISY MANKO!! (ihafatra)

Indreny rahona misosa
Miara-mamindra toa tsy hifandao
Izato eritreritro miavosa,
Embonembona,tsiaro anao.

Fa nitamberina indray,
Ilay ora fahaizay
Teo anilan'ireo tiana
Vetsovetso,nahaliana!

Fa natelinao ry tany,
Ireny hafaliana ireny
Ka zary sento sy tomany,
Ny mitadidy an'i neny!

Indrisy manko ry tontolo
Fa nahoana no dia nalavonao
Ireo sarobidy amiko
Fa na ny olon-tiako aza
Toa mifanahin-jaza
Mitetitety toy ny lolo
Ka manakotsa izany tavako,,,
Eny,mivavaka ho anao aho rahavako!
--------