ATOLOTRA HO AN'NY RENY REHETRA (Imbitika Rambala)

ATOLOTRA HO AN'NY
RENY REHETRA

I NENY

Fony izaho handao anao
Satria izay no didy eto an-tany
Dia niteny taminao
Fa any andro any
Ho tafaverina eto aho

Indro aho tafaverina amin'izay
Dia inty ianao mitsena ahy
Toa volampenomanana sariaka
Amin'izato hafaliana tsy hay afenina
Hazavana mipariaka
Malefaka azoko banjinina
Henika fitia tsy an-kiteny
Tsy andriko ery hofihinina
Ianao.ry neny

Toa voninkazo an-jaridaina
Sasa-niandry hatrizay
Ka miran-tava feno aina
Fa vaky felana amin'izay
Manetry tena votsavotsa
Nefa somebika hafaliana
Sady mieboebo kosa
Fa itongavana vangiana

Tsapako ianao fa sambatra
Raha namihina ny tanako
Ka niteny tsy niambatra :
"Tonga soa ny zanako"

Imbitika Rambala - 02/06/2020 - 141
--------