Izaho mino (Imbitika Rambala)

IZAHO MINO

Ilay jerinao nampiherika
Niantso ahy tsy an-kiteny
Nahatonga antsika ho fefika
Samy tsy nisy naha hetsika
Fa avy hatrany dia rendrika
Tanaty memy

Ireo masotsika nifanojo
Nampangoritsina ahy
No nizary ho ilay rojo
Nampitohy ny fanahy
Dia ny anao sy ny ahy

Ireo masotsika nifanena
No ilay oroka feno hanitra
Tonga vato mihenahena
Misisika maharitra
Tsy maha saraka ahy

Izaho mino
Fa samy tsy hanadino
Imbitika Rambala - 21/03/18
--------