Ny tantaranao no ho tantarantsika (Imbitika Rambala)

NY TANTARANAO NO
HO TANTARANTSIKA

Ny tavako efa taolanina
Ny vavako nilaozan-kanina
Miranirany koa ny taolam-bazako
Vorotra kitsay sisa lambako

Bedenina ihany koa ny sofiko
Ritra teo ny nofinofiko
Izay mba sisa hoe fanantenana
Tena voatinapa-doha indray
Hany ka mila ho fankahalana
No misovoka amin'izay

Koa aoka lahy

Aza dia matoky manominda
Mba tazony ihany re ny tongony
Fa ny tazo ange ka hisinda
Ny fahoriana sy ny forongony
Mbola ho ritra sy hitsika
Fa ny tantaranao no ho
Tantarantsika

Imbitika Rambala - 15/01/18
--------