TAKARIVA SAROBIDY (Imbitika Rambala)

Takariva sarobidy

Injany akalo midoboka
Sy feon'ankizy mihoraka
No manako hatraty
Eton'aratra mandoko
Ny tanety sy ny avoko
Dia naatoko ny dia

Dia iny tamy iny
Tovovavy sy ny siny
Avy tany am-pantsakana
Ary mifanadrohadro
Amin'ilay mpiarakandro
Manamy ny tanàna

Dia takariva sarobidy
Ka na fo inona mihidy
Dia voasarika hanjary
Hampilolotra vavaka
Hanakatra ny lanitra
Hisaotra ilay Nahary

Imbitika Rambala -23-07-2020, in Eri-maso 4 tak 8
--------