Tsia (Imbitika Rambala)
Mbola tsisy niantsa
(Nalaina tao amin'ny vetso.serasera.org)
TSIA,Tsia
Avelao aho ho eto
Ary aza avela haneto
Na dia kely akory
Ito afo niarahana namelona
Dia fafao sy esory
Ny kitay sy lavenona
Ary aza avela hisy dindo
Hoe teto isika no namindro
Tena mety raha rotaina
Ataovy fafambohondro
Ireo nofy nokasaina
Aza miandry ny maraina
Fa efa tsy hifanara-tsaina
Ary lasa ianao mandeha
Izay dia izay no sitrako
Sao hampitombo indray ny ditrako
Imbitika Rambala - 01/03/17
--------
Rohy:
Sokajy :
Fiainana
