Resy tsy miady ? (ItokianaGasy)
Mbola tsisy niantsa
(Nalaina tao amin'ny vetso.serasera.org)
Ekeko tokoa fa tsy misy izanyOlona iray izay resy tsy miady
Fa ity fiainana ity dia ady sy tolona
Ary io ny mampiavaka ny mahaolona!
Fa raha ny olombelona, tokoa hono mantsy
Mikatsaka izay tsara hatrany,
Tsy maintsy mitady izay kely ho vatsy
Raha te hiadam-piainana, any aorina any!
Adalàna ho an'ireo, kivy am-panombohana
Milavo lefona avy hatrany, vao sedra olana.
Fa raha ny fiainana hono, toy ny kodiaran-tsarety
Androany ianao ambany, rahampitso lasa metimety!
Daty : 22 Febroary 2020
--------
Rohy:
Sokajy :
Fananarana