Tolona irery (ItokianaGasy)

Inty aho irery
Aty an-tanin'olona
Hikatsaka ny hoavy!

Tsy misy ny mijery
Na miaraka mitolona
Fa lavitry ny niavy!

Hitady ilay maraina
Maraina vaovao
Izay mbola tsy niposaka!

Anefa tsy hitaraina
Na koa hoe hitalao
Ranomaso tsy harotsaka!

Mahaiza re mitady
Hoy ilay mpandinika iray
Aza manaiky ho resy!

Satria:
"Tolona sy ady
Anie ny fiainana
Ka zara ho an'izay
Manam-pinihavana handresy"

Daty : 29 Aprily 2019
--------