Paradisan'ny fitia - Jayah Razafi

Azo vakiana?

Fa ny tena fanaperana
Tsy ho hitanao oviana,
Fa hajao ny eo an-toerana
Mba ho tia sy ho tiana

Raha ny tena tonga lafatra,
Mbola zava-tsarotra zahana,
Fa izay eo koloina fatratra
Mba ho manja sy malala

Raha ny tena hoe idealy
Dia mbola ho nofinofy,
Fa izay eo aloha ry tsamy
No aza dia atao fanosy

Raha hiandry fahagagana
Ny hahazo tena raitra
Mitandrema ry akama
Ndrao ho sendra ny tsy laitra

Fa raha toa ka te hiaina
Ny paradisan'ny fitia,
Dia amboarina ny saina
Tsy hitady ny hafa arý

Fa ny fahaizanao mikolo
Ny fitia kely tazana,
No hery hahavelom-bolo
Ny paradisan'ny fitiavana

Jayah razafi 23/07/2016

Hametraka hevitra

Midira aloha

Mombamomba

Mpanoratra : Jayah Razafi

Nampiditra : Jayahrazafi
Daty : 10/08/2016
Mpamangy : 1189
Mankafy : 0

Tononkalo hafa

hihira ho anao aho
Maniry manitra
io fitiavana io
Va tsy tsapanao ny lanjan
vazon'ny manina
hosodoko
Elakelany
ny tena fitia
Antsakabary
atolotro ho anao ity tono