HIAINGA KOA NY AINGAKO (joseclaudio)

Mbola tsisy niantsa

Hangataka antsa
(Nalaina tao amin'ny vetso.serasera.org)
HIAINGA KOA NY AINGAKO

Miatomboka ity ny fahanginan'ny tany.
Natelin'ny rahona ilay mpanazava.
Ka tonga ilay fitsaharan'ny vatako lany,
Sy drodroka ny andro tsy nety nisava.

Rendrika ao anaty fahanginana .
Ity izy mitady fitoniana soa.
Kanefa nofy no naterak'ilay hasasarana.
Nofy... nofy ankamantatra,hiainga koa.

Hanidina ao anaty fahanginana ao.
Ilay nofiko teraka hanaraka ainga.
Ho eny an'habakabaka hivetso ho anao.
Nofy hiofo ho kalo vaovao.

Hanidina hanaraka ainga koa ity peniko.
Hanoratra vetso ho nofy ho anao.
Nofy ho teraka hanambara izay teniko.
Avy ao anaty fahanginana vao...

Eny! Hisidina ity aingako avy ao anaty nofy lalina.
Hanaraka fanahy,
Eny an'habakabaky ny alina.
Ho nofy tonga nofo ho vetso vaovao.


Joseclaudio_3 desambra 2014
--------
Rohy:
1099 0
Hametraka hevitra
Midira aloha
Momba ny tononkalo
Mpanoratra : joseclaudio
Nampiditra : joseclaudio
Daty : 07/09/2015 08:39
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0157