Segondra maromaro - Lanto

Segondra maromaro
No nanginanao
Mitady izay hambara...
Segondra maromaro

Baraingo nifangaro
No tao an-tsaiko tao :
Rahoviana vao hiafara
Ity fahamaonanao ?

Fotoana lava loatra
Raha hampitahaina amin'ny
Zavatra holazaina
Tena lava loatra !!!

Kanefa dia nilaina!
Sa miankina aman'aina ?

Segondra nampiahotra
Ianao vahobahotra
Hilaza hoe "tiako ianao"
Oay izany tahotra !

Ilay oroka fanao
Toa nilam-pisainana
Sy feno fahalainana
Raha iny hifandao.

Segondra maromaro
No nanangonan-kery
Fihetsika an-tery
Fitserana niharo.

Fotoana koa nilaiko
Hitsilo izany saiko;
Ianao tsy hiloa-bava
Hoe ilay fitia dia rava.

Hevitra mandeha

katiaa (04/02/2007 18:24:45)

Tsara le izy, sady mety hindramiko kely rah tsy maadiso.

lanto (07/02/2007 11:20:26)

misaotra e! tsy mahadiso ka :-)

Mombamomba

Mpanoratra : Lanto

Nampiditra : lanto
Daty : 04/02/2007
Mpamangy : 2868
Mankafy : 0

Tononkalo hafa

Iza ?
Ianao no izy
Io no aoka ho ahy
Tsy hitia intsony
Antsika
Mahatsiaro anao
Ho ampy ve ?
Tiana
Sampanana
Mindram-betso