POEZIA (Mahalia❤✨)

POEZIA

Ianao 'lay mahatsapa ny misiko rehetra,
Na ampahana fisiana na ahiko manontolo.
Ianao 'lay nitia,tsy nanisy koa fepetra!!!
'Lay hany fanaperako ary tsisy mahasolo.

Ianao 'lay nifidy ahy fony aho mbola tsy ary!
'Lay nanafy ahy ny lamba hisalorako anao.
Novontosanao talenta aho mba handokoako sary,
Ary ampiaina ireo teny amin'ny endrika vaovao.

D'ianao 'lay "poezia" mipololotra avy eo am-bavako,
'Lay vavahadin'ny hatsarana sy maharitra fisiana!
Ka na ireo tonom-bavako, na ireo teny 'zay narandrako,
Dia avy aminao daholo,tsy analana tsy hanampiana.

Mahalia❤✨
--------