TOKY TSY MIOVA (Mahalia❤✨)
Mbola tsisy niantsa
(Nalaina tao amin'ny vetso.serasera.org)
TOKY TSY MIOVAAry amin'izany andro izany
Raha mby migadona ny ora hianjeràko
sy handaozako mora ny tany
ka hody vovoka...E ny rako
Ny foko mbola hitia anao ihany
Eny hatrany ankoatra any
ny Aveloko mbola hitadidy
ireo nofy nifanakalozana
ary koa hitahiry ireo didy
sy ireo voady izay nifamatorana
Koa aoka ianao tsy hanjoretra
na hilofika anaty toloko
tsarovy fa ny eto voafetra
na ny nofo aza mbola hiofo
Ka ny soratro sisa mitoetra,
(no) venteso raha manina ianao
Hampitony ny fonao rehefa
tataovan-draho-mainty ohatr'izao
Mahalia❤✨
--------
Rohy:
Mpakafy:
Djess