Loko maintin ny fitiavany - mahorani

Azo vakiana?

                     LOKO MAINTIN NY FITIAVANY

Raha toa ianao tsy mety mino;
Anontanio izy ka hamaly:
Am-pahatsorana: holazainy!
Fa sarotra ny manadino,
Ny tsio-drivotry ny omaly
Manento ny ady nozakainy.

           Ny lokon'ny eo an-tokontaniny,
           Sy ny vavahady miditra iny:
           Efa hainy tsianjery!
           Noho ny ora maro laniny;
          Niandrasany ny tiany:
          Teo am-baravarankeliny!

                       Ny fidoboky ny fo,
                       Mararirary manantena:
                       Tsy sarotra aminy hofantarina!
                       F'efa tsapany avokoa,
                       Ny levilevin'ny hangolena
                       Satria tena tia marina!

Taona firy sy impiry:
No nasosany hielina,
Tsy nekeny hanisa ny ainy?
Fa alahelo sy hirifiry,
Eny, tomany no miverina:
Anaty vetso mba hirainy!

                 Raha toa ianao tsy mahalala,
                 Ka maniry mba hahafantatra,
                 Ny fitiavana sy ny andro-malony!
                 Minoa ahy; fa hainy tsara,
                 Ary tena hainy fatratra:
                 Izany tia fa tsisy valiny!

                             Saingy aza omenao tsiny:
                             Raha iforetany eny ihany,
                             Ny tsy hanova ny fitàna!
                             Satria tiany iny olona iny;
                             Ary izy tsy afaka haminany!
                             Ny tiany ho feno hadalana!

Tsy nampoiziny satria;
Raha izay vavaka nakariny;
Any anatin'ny sainy any,
Dia toy ireo rehetra tia;
Mba ho ao an-tokantranony:
Ny hafaliana hatrany hatrany!

           Aza enjehinao ny fony;
           Aza bedesinao ny sainy:
           Raha mbola miandry eo ihany!
           Fa ny tsy hahatsiaro intsony;
           Sady tsy vatrany no tsy hainy:
           Indrindra izany hamoy izany!!!

                        Izy aza tsy mba savolaina,
                       Sady miandry no efa namela
                       Ny adalan'ilay malalany!
                       Miandrandra ilay maraina;
                       Hitondra zy hody tsy ho ela;
                       Hitsidika eo am-baravarany!

Izaho raha mba nanontany;
Dia izao no teny tokana:
Raha nisokatra ny vavany:
Alahelo sy tomany;
Saingy misy fo miontana:
Izay no lokon'ny fitiavany!!!!!!!!!!!!!!!


                                                       Mahorani

Voasoratra ny 05-05-05 (21h20mn)
Nozaraina ny namana ny 01-07-05

Hevitra mandeha

Malalason (02/07/2005 07:40:10)

mandratra fo

hasiniony (02/07/2005 11:31:21)

Noho ianao POETA dia misy foana ny hetaheta ! Mazotoa.

sejianis (04/07/2005 11:58:14)

Malalason
Miala tsiny raha nadratra ny fonao!
Tsy satriko izany kanefa dia izao
Raha inay ianao ka miaina izany koa
Mety ho maratra, tena marina tokoa!
Sejianis

Mombamomba

Mpanoratra : mahorani

Nampiditra : sejianis
Daty : 01/07/2005
Mpamangy : 1139
Mankafy : 2

Tononkalo hafa

SAMBATRA HO'AHO
SAMBATRA HO'AHO
SAMBATRA HO'AHO
NY LASA
TSY IZANY NY FITIA
TIAKO FOANA
KANTO
Namako
Mpanjono nangaina
Ho inonao ??