TELOMIOVA (MAMPANDRINIAINA Manitra)

"RARINY" ianao dia takonana.
Niniana fisahana mihitsy.
Alevina anaty tokonana
Mba tsy ho hitan' ny be noho ny vitsy.

"MARINA" ianao ka narendrika
An-tsapanan' i fasan'ny moana.
Afo hono ka tsy manendrika
Hokobonin' ny vanim-potoana.

"HITSINY" dia nomelohana
Ao anaty valonan' ny rasa.
Saronana anaty forohana
Any ankoatran' ny hoavy efa lasa.

Mampandry Ny Aina Manitra
--------