Tsy hiady - Mandefitra

Azo vakiana?

Tsy hiady

Aza tanisaina akory irony lasa zay nandratra
fa ny ho avy no banjino
ny hetraketraky ny tany, ny tolona tsy omby tratra
ny eo antanana fihino

Aza atao mandratra fo ny alahelo zay niserana,
irony alokadintsika.
Fa ny ampitso mbola ho soa, ny fifaliana ko tsy ferana
ny vita : sary indray mipika

Tsy anjely akory ianao, za ko tsy masin-dahy
ka tsy hanam-pahadisoana
hifandefitra isika, samy manana fanahy
handresy zato fahalavoana

fa ny tsiron ny fitiavana ,izy misy fitsapana
voninkazo misy lay.
Ka ny fototra iorenany, tsy simban' ady ho ravana,
Fo mitambatra ho iray