MODY FANINA (manjatiana)

Tena tsy tsapanao tokoa angamba?
Ny havesatrin'ny fijaliko
Nisakambina teo an-tsoriko
Zary naharovitra ny ravin-damba
'Ka nampibaribary tsy satry
Ny fo vonton'alahelo tsy hay nampiononona

Eny,tsy nahalena anao akory!
Ny rà izay nijika toy ny loharano,
Niboika avy ao ampon'ilay feno tebiteby
Ka nahatsapan ny tena hirifiry,
Hirifiry ririnina nampangatsiaka
'lay hafanam-pitiavana saika nandoro

Dia tsy norenesinao mihintsy!
--------