AZA MBA… (Matody)

Mbola tsisy niantsa

Hangataka antsa
(Nalaina tao amin'ny vetso.serasera.org)
Aza manao anao ho hendry
Fa sao vaosariky ny adala
Aza manamavo ny tinendry
Fa hanjary adala mipalapala

Aza dia manandran-tena
Na manambony tena
Fandrao voan’ny tazon-karena
Mndreraka,vao jerena

Aza miseho ho mahay tanàna
Rehefa very vao hienahena
Aza miseho ho mahay lalana
Sao ho lavon’ny vato an-tsisin-dalana

Aza mitompo teny fatratra
Sao hitotongana any anaty tatatra
Aza midera tena ho mahay
Ka ho resin’ny “indraindray”

Aza miseho ho mahalala
Fa sao ho very anaty ala
Aza mba be vava be
Fa hahazo tefaka anie e!

Aza miseho mahasahy
Ka hoe mijoro fa lehilahy
Tandremo sao azeran’ny singam-bolo
Izay vai hanenina impolo impolo

Ny tampoka hono tsy maha lehilahy
Asakasakareo izay miseho mahasahy
Ny tampoka kosa hono tsy maha lehilahy
Fisaintsainan’ny manam-panahy

Matody
(Maholy T.)
--------
Rohy:
1149 0
Hametraka hevitra
Midira aloha
Momba ny tononkalo
Mpanoratra : Matody
Nampiditra : Matody
Daty : 17/01/2014 14:14
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0097