ALOKA NISERANA (Mihaja Harilanto)

Nitopy maso kely tamin'ny ora tsy nampoizina
Dia tafara-dalana tamin'ny andro tsy voakajy
Nifanaiky tsara dia avy eo lasa niombona
Nanomboka avy teo dia ninamana sahady
Ka nifankatia

....Mamy loatra akia....

Nifandray am-po lasa tsy nifankafohy
Rakotra hafaliana sy tsiky lalandava
Nanam-paniriana hoe ity tantara hitohy
Nohon'ny fanekena izay najoro tsy ho rava
Hatramin'ny farany

Kanjo, nasorony ny tanany dia lasa ka nandeha
Niova lalan-kafa tsy nampoizina fa tampoka
Ts'isy azo atao fa ranomaso teo an-tarehy
Ilay hafaliana teo lasa difotry ny aloka
Nitondra ratra anaty

Ianao tsy maintsy mafy, ny lahatra ekena
Fa io fitiavana io ts'azo hifanerena

Nanoratra : Mihaja Harilanto
"Ny aiko manoratra, ny tononkalo no aingam-panahiko"
--------