Fianarana (Misa Randria)

Mampiady ny saiko
Mila tsy ho arako
Izato enao ry fianarana
Zary tsy hisy fitsaharana
Nahitako mangidy
Ny fahombiazana nihidy
Tanoloako taona maro lasa zay
Tsaroako mbola mahamay
Mila ezaka ny hoe mianatra
Satria hendry ny razana nananatra
Fa lova sarobidy tsy manampaharoa
Irariana ny tsirairay ho tafita soa
Mbola mitohy ny tantara
Ary Mety tsy hiafara
Raha tsy any andro ray
Hamiratra ny andronay
Tsy vitako samirery
Ka ilaiko ny fahefan'iTompo
Handroborobo sy hiantefa
Ato an tsaina sy ato am-po
--------