You are here: home > Vetso

HIVAVAKA - MiséVonjy

Azo vakiana?

Hivavaka aho ka hiantso ilay Ray any ambony
Fa tsy maintsy ho Hainy ny hanasitrana ity fo
Hinoako mihintsy, fa na latsa na lonjony
Ho voafafa daholo, ho voasolo avokoa

Fa marary ity foko, eny mahatsiaro mijaly
Fa sarak’olo-tiana, ‘lay notiavina tokoa
Nefa moa raha tsy anjara, ‘lay Ray hampifaly
Hanome andro vaovao, hifalian’izany fo

Na hikiry aza aho, Izy mahalala izay mahasoa
Hikipy hiroso ihany, amin’ny làlana tsy fantatra
Na ho azo aza ilay niriana, hampifaly ity fo
Raha tsy eken’Izy Tompo, fitiavana an-dratra

K’hivavaka aho fa mafy, fa atao ihany ny mitia
sy anadino iny olon’iny, ho fafana  ao an-tsaina
ho tononiko ihany koa, ilay vavakin’ny tia
fitalahoan’olon-dresy, manantena ilay maraina

Sokajy : fanantenana, Vavaka

Hametraka hevitra

Midira aloha

Mombamomba

Mpanoratra : MiséVonjy

Nampiditra : zavotany09
Daty : 07/09/2010
Mpamangy : 1089
Mankafy : 0

Tononkalo hafa

raha sendra...
tsy sahy
mandrakizay
TIA TOKOA
IANAO
Noro
RAKITRA
IZAHO ALOHA
TSY ILANA
NIFARANA