NY MASONAO (MiséVonjy)

Mbola tsisy niantsa

Hangataka antsa
(Nalaina tao amin'ny vetso.serasera.org)
Fa toy ny volana baliaka, anaty aizim-pito
Ito masonao mijery, anivon’ny takolaka
fanilo hafa mihintsy, vitsy no mahita
ny hakanton’ny tarany, hazavana miantoraka

fa ny aizin’ny tsiahy, sokafam-betsoventso
tarafin’ito maso, mitahiry fahatsiarovana
dia indro fa tazaniko, tsy lavitra fa eto
anilan’ny anio, tomorim-pandalovana

ny lasa voatahiry, nokobonin’ny fo
nafenin’ito maso, baliaka lalandava
ampangain’ny masonao, manafina tokoa
ireo ady nolalovana, ho fanilo manazava

‘lay sento nitamberina, nampirotsaka tomany
noezahina nafenina tamin-tsiky sy ny hehy
d’izato masonao mitsiky miezaka hatrany
mampifaly ny ao anaty haha kanto ny tarehy

tsaroako ilay tsianjery fony mbola zaza
sy ny dobo manga roa, taratry ny ao am-po
izao vao tena tsapako, rehefa tojo ny sahaza
fa ireto masonao, diarin-tsika tena soa

saingy izao anefa, ireto masonao baliaka
fiafenako rehefa iny tojo hakiviana
mba semban-drahona ihany, tsy ora-mangatsiaka
hafanain’alahelo fa lavitr’olo-tiana.
--------
Rohy:
Sokajy : Aingam-panahy
1203 0
Hevitra mandeha
pisokelinah ( 12/10/2010 13:49)
tsy zakako mints ny mijery ny masonao ka!!!!!
Soarilala ( 12/10/2010 14:17)
Mahalaza zavatra maro tokoa ny maso ! Hita taratra amin'ny fijery izay tia-kambara na dia tsy mivolana aza
Hametraka hevitra
Midira aloha
Momba ny tononkalo
Mpanoratra : MiséVonjy
Nampiditra : zavotany09
Daty : 08/10/2010 13:14
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0102