You are here: home > Vetso

Raha hitanao izy - Nikopol

Azo vakiana?





RAHA HITANAO IZY




Raha hitanao izy,
Lazao fa tsy alahelo,
Na koa lolom-po
Ny eritreritro aminy…


Ireo rivotra nifofo,
Sy ny kotro-baratra
Nisarahanay…
Tantara sisa ireny…


Ny aminay ve?
Fo roa nanganohano,
Mbola virijiny,
Nianatra nitia.


Fitiavana voalohany,
Naraham-belirano.
Fifanomezan-toky,
Ny haharitra ho doria…


Nefa moa ny fiainana,
Nametraka ny lalany…
Ilay fiarahanay
Nataoko tsy hisy farany…

Tantara sisa ireny…


Eny ‘e,
Mety hisy tsiky,
Na sento tsy ho voatana…
Nefa lazao azy,
F’efa tony “hono”
Ny rano izay nitana.


Raha hitanao izy,
Lazao fa fifaliako
Ny hahasambatra azy…
Izaho hanohy ny diako,
Izy koa hiriako
Mba hanohy ny azy.


…/…

   Nikopol -J

Sokajy : ahy, Fitiavana, manokana

Hevitra mandeha

bichette (02/05/2005 16:11:34)

ntsooooooooooo ! tsara ilay tononkalo, tsara ny mahay manaiky

fiaritiana (02/05/2005 16:24:00)

tantara sisa ireny

kally (02/05/2005 20:26:16)

ndriiiy! malefaka kely!!!

pissoa (03/05/2005 12:02:24)

Za zany te hitomanyyyyyyyyyyyyy
Tsara e!

nikopol (04/05/2005 09:59:03)

pissoa aza asiana ranomaso e ! lol

Misaotra anareo rehetra...
Bichette tsy anaiky kosa ve ? lol
fiaritiana he! atao ahoana moa...
kally merci !!!!!