AZA GAGA (Np Augustin)

Aza gaga ianao fa izaho ihany ity:
'Lay tovovavy kely, niezaka nitia.
Nangataka fiadanana,
Naniry fahasambarana;
Ny mba hotiavinao mandrakizay....
Dimy taona lasa izay.

Ka moa tsaroanao tamin'iny?
Izaho mba nanambitamby,
Nefa notezerana sy nilàna ady.
Niandrandra mba hotiavina,
Nefa dia nolavina.
Sy nambaniana tsy nanan' antra,
Satria,
Sady ratsy no mahantra.

Ka moa fantatrao amin'izay?
Hoe: izaho ange ilay sipa tamin'iny,
Dia ilay mongo volo nolavinao fahiny.
Saingy ankehitriny,
Efa lasa tsara.

Ka aza gaga ianao,
Fa ny fiainana kodiara.

21/03/18
Tamin'ny 5 ora hariva
--------