ZAZA (Np Augustin)

Any ho any misy ankizy;
Sambatra izay tsy izy.
Hamonjy lakilasy,
Dia omena vatsy.
Saingy tia tory...
Tsy mianatra akory !
Tsy manao enti-mody,
Ny naoty dia atody.

Indraindray,
Mody miera hoe "hivoaka",
Ka iny lasa mandeha misotro toaka!
Fa aleony miala voly;
Toy izay mandeha sekoly!


Nefa any misy zaza tena mahonena,
Miasa sahady, mivarotra eny an-tsena.
Te hianatra kanefa tsy manana "ekôlazy"...
Mba saintsaino ihany fa tsy fidiny azy!

15/11/17
Tamin'ny 6 ora latsaka 10 minitra
--------