Hangina aho! (Ny Andriandriambeniandry)

Mbola tsisy niantsa

Hangataka antsa
(Nalaina tao amin'ny vetso.serasera.org)
Hangina aho tsy hiteny,
F’efa vitanao ireny!
Maina izao ny ranomasoko,
Ny alaheloko horeseko!

Hangina aho! Ampy izay!
Fa nandoro, nahamay!
‘Lay Fitiavako anao,
Nefa nataonao ho kilalao!

Hangina aho nefa ny Foko,
Mbola tsaroako mitoloko!
Tsy mety manadino anao,
Fa mahatsiaro lava izao!

Hangina aho, nefa ny saiko,
Tsy manaiky izay kasaiko,
Fa vao maraina vao mifoha,
D’ianao no masaka ao an-doha!

Hangina aho, nefa ry aiko,
Ireo lasa mamintsika,
Mialohalo ato an-tsaiko,
Tsy mety resy be dohika!

Ireo lalana niarahana,
Ny toera-nitafàna,
Mamerina ao an-tsaina,
Ireo lasa: mampitaraina!

Angamba mbola hiteny aho,
Hampatsiahy anao indray:
Tsy mahay tsy tia anao aho
Mandrakizay, mandrakizay!

Nefa…aoka ihany hangina aho,
Mbola ho foana ny talaho!
Mivavaka aho ho afa-patotra,
Mba hiadana finaritra!

Hangina aho, tsy hiteny,
Noho ireny rehetra ireny,
Andriamanitra hitsara,
Sy hanome izay ho anjara!
--------
Rohy:
Sokajy : Ahiahy - Fitiavana
1469 0
Hametraka hevitra
Midira aloha
Momba ny tononkalo
Mpanoratra : Ny Andriandriambeniandry
Nampiditra : zafimananadrazana
Daty : 07/05/2010 14:52
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0099