...'lay fitiavana (oceane)
Mbola tsisy niantsa
(Nalaina tao amin'ny vetso.serasera.org)
Ny amiko rehetramiafina aminao
Fitia tsy manam-petra
no toa natolotrao
Tsy hitanao akory
ilay foko toa tsy tia
Ianao minia matory
manolotra ahy fitia
Niezaka aho ny hanadino
ilay fitia taloha
Saingy toa tsy mampino
nipongatra io, nifoha
Hany hery sisa
nandao anao tsy satry
Nandeha hamisavisa
ilay fitiavako efa maty
--------
Rohy:
Sokajy :
Fitiavana
Hevitra mandeha
betroka
(
08/08/2004 22:36)
Tsara ity tononkalo ity. Mipetrapetraka ireo gadona ao amin'ny andininy roa voalohany. Indro misy soso-kevitra ho an'ny andininy roa farany izay somary mavesatra vakiana araka ny hevitro :
Niezaka aho hamono
Ilay fitia taloha
Saingy tsy voafono
Nipongatra io, nifoha !
Hany hery sisa
Nandao anao tsy tanty !
Nandeha hamisavisa
Ilay fitia maty.
Niezaka aho hamono
Ilay fitia taloha
Saingy tsy voafono
Nipongatra io, nifoha !
Hany hery sisa
Nandao anao tsy tanty !
Nandeha hamisavisa
Ilay fitia maty.