You are here: home > Vetso

Mijanonà any - oceane

Azo vakiana?

Mijanonà any

Raha ny teo aloha dia faniriako
ny fiantsana ny fiverenanao
Raha ny teo aloha dia toa satriko
ny hanafaingana izato dianao

Kanefa ...
toa tsy mety izany
Kanefa ...
toa niova ianao ilay any

Toa tsy izaho intsony
no ambetindresakao
Toa tsy izaho intsony
ilay andrin'ny fonao

Ny elanelan-tany
toa naharesy indrisy
Ny elanelan-tany
toa nampiova ireo efa nisy

Dia niandry aloka aho
raha toa ka niandry anao
Fa hay ianao nahita
nitia ilay randram-bao

Tsy homeko tsiny akory
na dia tena mampahory
Satria ny antsika toa tsy anjara
Ka aleo hipetraka ho tantara

Ny mba hiangaviako angaha
dia ny hijanonanao
Mijanonà any
fa hanampy ahy izay
Handripahako tanteraka
ireo potika fitia
izay navelanao

Tsy hamela ahy ahatsiahy
hamerina indray
ireo lasa taloha
Izay tsy tiako intsony hifoha.




Sokajy : Fisarahana

Hevitra mandeha

karako (09/07/2007 18:50:10)

Masiaka be i oceane an. Izao izany ilay lavitry ny maso ?

Hametraka hevitra

Midira aloha

Mombamomba

Mpanoratra : oceane

Nampiditra : nahrindra
Daty : 05/07/2007
Mpamangy : 854
Mankafy : 0

Tononkalo hafa

vavaka
ry Gasikarako
Ianao
Vetsovetso
SAIKA FITIA
???
Eux ...
Avela izy handeha
Soa fa ...
very