EMBONA (OLLIE)

Mbola tsisy niantsa

Hangataka antsa
(Nalaina tao amin'ny vetso.serasera.org)
Ao anatin'ny alina mangina
No anembonako anao
Kanefa toa nofinofy mahavariana
Toa tsy lavitra fa anilanao

Volana vitsy lasa izay
No nifandaozantsika roa
Ka tsy nampatory hatrizay
Nanimba saina,nankarary an-doha

Vao nidify ny andro iray
Dia injao fa nitaraina
Ny tao anaty namaivay
Tsy nampino,nahasondriana

Lavitra anao tokoa mantsy
Ary mangina antanin'olona
tsy hadalana anefa na tsy tanty
Fa noho ny zava_misy manoloana

Mahatsiaro lalandava
Ireo fanao andavanandro
Sangisangy,tsongotsongo mampisava
Ny adin-tsaina isanandro

Ankehitriny mantsy izao
Embona foana no hita
Mangina aho fa tsy eo ianao
Toa tsy ho hisy zava-bita

Toa voron-kely sara-namana
Mangina tsy misy mpijery
Ka manembo-dava fa manin-kavana
Satria mahatsiaro fa irery

Rahoviana ary ilay andro
Hiaonantsika roa indray
Tiako mantsy ianao ary mamiko
Tsy ho embona intsony amin'izay andro izay
--------
Rohy:
Sokajy : embona - Alahelo
5839 0
Hevitra mandeha
vetsoko ( 14/09/2005 15:47)
mampahery anao,aza atsahatra ny kalo.
eeeh samy eo isika!
Hametraka hevitra
Midira aloha
Momba ny tononkalo
Mpanoratra : OLLIE
Nampiditra : ollie
Daty : 10/09/2005 16:44
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0139