Any ambanivohitra any (RAMAMINIRINA Henintsoa Jean Baptiste)

Mbola tsisy niantsa

Hangataka antsa
(Nalaina tao amin'ny vetso.serasera.org)
Any ambanivohitra any
No misy any dada sy neny
Any ilay misy ny an-kany
Ka tsy ho adiniko velively

Tany daholo ny fahazazana
Ary koa ireo namana tsy nanary
Dia maro tokoa ireo fahadalana
Ka anisan’ izany ny kivarivary

Trano kely vitsivitsy
Ny any ambanivohitra any
Ny mponina mbola tena vitsy
Ka feno hafaliana aok’ izany

Ny fofona manitra manerana ny saha
Tsara aok’izany
Ka tsy ambaka ny ranomanim-bazaha
Eo ihany koa ireo zava-maniry eny antanimboly
Ka satriko foana ny eny no atao fialamboly

Ny tena tsy afaka ato antsaiko
Dia ilay sada mena
Omby tena ampiasaiko
Sady tia mitrongy tanimena

Ny andiam-borona maro
Miverina hoan’ny ankany
Ny lohasaha mavana
Miampy ireo tanety, dobo, renirano maro

Tsy mampiteha hody fa ijanon eo ihany
Izany ny loko malefaka ny rano
Misarika ny saina mba hanantona avy hatrany
Indrindra moa rehefa fararano

Dia mihoatra lavitra noho izany
Rehefa hariva indray
Dia injany fa manakoako
Ny feom-biby fiompinay
Miandry ny homena sakafo

Dia izany ny any ambanivohitray
Ka tsy ho adiniko mandrakizay
Ary tena mafinaritra tokoa
Ka ataoko hoe Edena faharoa

Mamy 21/09/2018
--------
Rohy:
Sokajy : Embona
223 0
Hametraka hevitra
Midira aloha
Momba ny tononkalo
Mpanoratra : RAMAMINIRINA Henintsoa Jean Baptiste
Nampiditra : Ymamiah
Daty : 12/06/2023 07:27
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0168