Hevitra momba ny Ilay ranomasoko iny

Zozoro ( 09/08/2010 07:40)

Misaotra nizara e! mbola hafa ihany ny kalaza lahy.
Makasitraka Raozy a!

Ireny tafantsika ireny
Ny korana tany ho any
Ny asa vita teny ho eny
Ny hafalina ny tomany
Raha nivadika ny dina
Ka nanova ny tantara
Dia nohezahako nihinina
ho tonga hira tsy hay ambara.

raozigasy ( 09/08/2010 22:46)

Aleo

Ireo taloha izay niainana, zary nivadika ho angano
Ireo kotaba sy korana, tantara efa lasa rano
Ireo alahelo nampijaly, s’ireo hafa nampiferitr’aina
Efa nafoy, sy nohadinoina, efa nofafan’ny saina

Fa nivadika ny dina, nivily lalana ny voady,
K’ireo teny mamy notsitsiana, lasa niova tenin’ady,
Ka ny mety sy ny tsara, aleo hivalona hotorovana
Aleo alevina ny lasa, aleo tsy hisy fahatsiarovana