IREO MPIVADY (Ratax)

Fony vao nanorina azy,
Nifanaraka tokoa.
Fa izany hoe mpivady,
Dia tsy hialàna adiady.

Tsy izany no nitranga,
Rehefa tena sarompiaro.
Mety iny fony efa jamba,
No nanosika azy ijangajanga.

Tsy voasakana ny dina,
Izay natao hifamehezana.
Ny fisarahana amin'tiana,
Na dia tsy io no faniriana.

Tsy mba zaza velively,
No hanakana izany,
Na koa hoe ireo Ray aman'dReny.
Fa ny toetra irery ihany.

Na dia ilofo mafy ianao,
Itaiza ny fifankatiavana.
Ho zava-poana izay atao,
Raha ny Tompo no mandao.

Izany vady tsy mba ady,
Fa fandeferana no herany.
'Lay hasambarana fitady,
No haren'nareo mpivady.

Ratax...
--------