aza avelanao (Ravo)
Mbola tsisy niantsa
(Nalaina tao amin'ny vetso.serasera.org)
aza avelanao aza avelanao ho babo izany foko
raha toa hiangavy sy hamboraka fitia;
aza avelanao ho safotra toloko
raha toa maniry anao ho mpiaradia.
fa tolorinao tsikikely iray
ilay hany porofon-tananao handray;
fa tolorinao teny mamy koa
ho fanambarana fa ho iray isika roa.
aza avelanao ho fefika sahady
raha hitety onja sy handalo ireo sedra;
aza avelanao ho resy anaty ady
raha tojo ny sarotra sy lalana mideza.
Fa tolorinao ilay fahendrena
Hany azo antoka fa tena harena;
fa tolorinao tanjaka sy hery
mba hahazo toky fa tsy mba ho very.
Ravo
--------
Rohy:
Mpakafy:
TosakaMg
