Babonao - Jeankely Razafimamonjy

Azo vakiana?

Nambabo ahy ny fitiavanao,
ry volana mibaliaka,
Izay tena avo toa tsy takatra,
nefa dia sariaka.
Manazava ny aty tratrako,
izato jironao manjopika.
lavitra ahy anefa hianao
ka toa zary angano  ny antsika.

lavitra ahy ny endrikao;
lavitra ahy ny tsikinao.
lavitra ahy ny masonao;
lavitra  ahy ny jerinao.
lavitra ahy ny fonao;
lavitra ahy ny fitiavanao.
lavitra ahy ny vavanao;
lavitra ahy ilay bitsikao.

Mba rahoviana re? Lazao,
Vao mba hidina ianao.
Hanasitrana ny ratram-poko,
Hampisinda ity toloko.

Midina re mba ho tantanako!
Hiara-dia izaho sy ianao.
Meteza ianao ho namako,
Ary izaho masoandro ho anao.


(jb razafimamonjy 2008)

Hametraka hevitra

Midira aloha

Mombamomba

Mpanoratra : Jeankely Razafimamonjy

Nampiditra : gasyjean
Daty : 18/05/2008
Mpamangy : 2149
Mankafy : 0

Tononkalo hafa

Rediredy
Tempon'ny fo
Mila ny tia
Hianao irery
Poezia malahelo
Iny fitiavana iny
niandry
nofy ratsy
Ho anao
¿Aiza?