FETINAO ANIO RY NENY (RHAd)
Mbola tsisy niantsa
(Nalaina tao amin'ny vetso.serasera.org)
Sambatra ny manana fitiavana ny RenyMiangatra ny tanàna tsy amihina an’i Neny
Fa fetinao androany, fotoana sarobidy
Voatokana, finidy isaoranay anao
Ny fiaianao rehetra voatolotrao ho anay
Ny fitiavanao mitoetra am-po hatramin’izay
Tsy vitan-dranomaso fa tamim¬-pifaliana
Ny sompatry ny ankaso aza valinao fitsikina
Ny mahafatifaty, sy reo nandratra fo
Mbetika nitosaka teny imolotrao
Niampy tsorakazo na tambitamby koa
Fitanty, salotr’aina rehefa potrak’iny aho
Tsy nisy ny antokona fa foana ny eny an-tanana
Niainan-tsika irery tanatin’ny fanjava
Totondry efa navokona hiaro ny fanana
Rehefa tojo olon-dratsy vonona ny handrava
Mandainga zay milazanao ho fanaka malemy
Fa tena feno Ianao tsy mba fanakalo
Hatraiza no hadirin’ny fitiavanao ry Neny
Refeso raha himalo fa amiko tsy miova hatramin’izao.
Lay Ray Mpihaino vavaka no italaoko foana
Indrafo mahampy hirotsak’aminao
Fa sitrako eny mantsy hitombo be ny taona
Hiririavan-tsika e! Sa ahoana hoy Ianao
RHAd
--------
Rohy:
Sokajy :
Tsingerin-taona - Fitiavana