TSY TAFA (RHAd)

Ny afotroan’ny hirifiriko
Tsy mety mba mangina
Fa mankahatra aman’aina
Ny fararemotry ny foko
Dia migororona foana
Mba hampiferinaina

Mirara-boa ny votoatiko
Fa nidarabo-tan-trotrony
‘Lay pitik’hafaliana nentiny
Ho tsangan-tsiry sy andrareziny
Amin’ny androny mamony

Tonga antaravelona aho
Volotara iray voaoty
Raozy sarak’aman-taho
Vetivety dia voahosy
--------