Ny Avonavona ve ? (RODER)
Mbola tsisy niantsa
(Nalaina tao amin'ny vetso.serasera.org)
Ny avonavona ve no hitarika,Sa ny fo manetry no hahasoa?
Indraindray isika toa variana,
Mitady hiseho, nefa tsy mahafoy.
Ny teny mipaka avy am-bava,
Mety ho vato manindry havana.
Ny fijery avo tsy amin’ny fotoana,
Mety hanapotika ny fihavanana.
Fa raha mba mandefitra kely,
Manaja, mihaino, tsy manilika,
Ny olana mavesatra aza
Lasa maivana ka mora vahana.
Ka ny avonavona ve no tsara?
Toa tsiambaratelo mandratra fo.
Ny fahatsorana ihany no hery,
Manandratra, manambatra, mampihavana.
--------
Rohy:
Sokajy :
Fananarana - Aingam-panahy