Ry Malagasy (RODER)

Ry Malagasy, ndao hiady ho an’ny Marina

Ry Malagasy, zanaky ny tany soa,
Aza mangina, aza matahotra koa.
Ny Marina no herintsika sy hery,
Tandremo sao ho resy amin’ny very.

Tsy amin’ny sabatra no adintsika,
Fa amin’ny fitiavana sy ny hevitra madio.
Tsy amin’ny lainga no hahazo fandresena,
Fa amin’ny fanahy manaja fahendrena.

Ny tanintsika, antsoantso mangina,
Mitomany ao anaty fahoriana.
Fa mila antsika, zanany tia,
Hiady ho amin’ny rariny sy fahamarinana.

Aoka isika ho toy ny masoandro,
Manazava hatrany, tsy mora hoesorina.
Aoka ho toy ny rivotra madio,
Mampitsoka ny marina hatrany amin’ny rafi-pitondrana.

Ry Malagasy, atsangano ny lohanao,
Aza kivy, aza matahotra na oviana na oviana.
Satria raha miaraka amin’ny Marina isika,
Tsy hisy ady tsy ho voavaha.
--------