You are here: home > Vetso

Ratsimandrava - sahyman

Ho fahatsiarovana ny vaninandron'ny 11fevrie 1995-11 fevrie 2005 nahalavo ny kolonely Richard RATSIMANDRAVA ( 30 taona lasa )

Dia lavo, hono, ianao, lavo tsotra izao....
Ianao ilay andrarezina tsy vita nofehezina
Ianao ilay voara nanova ny tantara.

Fa moa tsy avy aminao ny tsimoky ny tolona
namaka taminay ?
Nitondra aim-baovao ho an'ny fokonolona
handresy ny mahamay ?
Avy aminao daholo ny famerenan-kasina
ny maha-malagasy,
nandrindra hiova volo mba hadio tarafina
ny sanda malagasy.

Ianao no nampitohy ny sata sy ny zo
mba hisaloranay.
Vona, rojo, rohy nampahatsiahy ny fo
ho malagasy iray.
Fa fahasarotana inona no tsy voavahantsika
tanaty "ala-olana " ?
Fa fanjanahana inona no tsy voapikapikan'
ny andro sy ny volana
rehefa niasa ianao, nilatsaka an-koraka
tanaty horakoraka ?

F'isika hay mahavita, ary ho tafita
rehefa tena isika izay tompon-draharaha
no atao mpitantana,
rehefa tena isika no nitomban-dahy
ka niahy nivantana ny tokantranontsika.

               ............

Kinanjo vara-datsaka sy rĂ  mangatrakatraka
no sandan'ny fivoarana izay mba nangarangarana,
fa lavo teo ianao, lavo tsotra izao.
Matory ambany tany nefa namela mamy.

Hitoetra anatinay, ho ao mandrakizay
ny tsiaro sy ny tsiahy f' ilaina ny ho sahy
handrodana sy handrava,
hanova izay nesorina
hamboatra sy hanorina
Fiainam-baovao
na tsy eo aza ianao.

Fa lavo, hono, ianao
lavo tsotra izao

                                    SAHYMAN
                     ++ Toamasina , 07 fevrie 1995 ++

Sokajy : Tsingerin-taona

Hevitra mandeha

andriary (11/02/2005 13:42:28)

Tiako ity tonokalo nosoratanao ity.

Hametraka hevitra

Midira aloha

Mombamomba

Mpanoratra : sahyman

Nampiditra : sahyman
Daty : 11/02/2005
Mpamangy : 1204
Mankafy : 2

Tononkalo hafa

HO AN'IALAHY POETA SY IALAHY MPANAO GAZETY .
Fa namako ianao..