Fikirizana (Sambatra)

N'inon'inona kasaina
Ka heverina ho atao
Raha tsy manana anao
Dia manjary ho rava maina

N'inon'inona katsahana
Ka heverina ho tanterahana
Raha tsy manana anao
Dia ho zary zava-poana

N'inon'inona najoro
Ka irina tsy hikoro
Raha tsy manana anao
Dia zary hirodana daholo

Na ory aho na faly
Na malahelo na tomany
Raha tsy manana anao
Dia zary famoizana ihany

Ka n'inon'inona sedraina
Eny, lalovana ety
Raha tsy eo ianao
Tsy misy manjary avokoa
--------