TSY VOASOLO (sodifafana)

TSY VOASOLO

Nafoiko izy ka novako
Endrika hafa loko tao
Ny tsanganany nombako
Hitovy lasitra aminao

Ny fijery tsy analana
Toyn izao anao zao
Lay feony malama
Zay fandreko taminao

Rahan misokotra ny vava
Ka mipoitra izato nify
Tena ny anao mazava
Zany izy raha mitsiky

Ny volony sahondrahondra
Sady lava tsy hay tohaina
Ny anao fa tsy niova
Mba marina io ry somboniaina

Lay akanjo tohi-tena
Zay fitondrany mazana
Tsy mba lavina , ekena
F'dia ny anao re ralala

Fa , ilay fo mitempo anaty
Njao midobodoka ao
Tsy voasolo mandra-maty
Hafa ihany ilay ANAO


SODIFAFANA
--------