Aza matahotra (Tahina Ravonison)

Nantsain'i
(Nalaina tao amin'ny vetso.serasera.org)
Diso fanantenana, kivy ary reraka ve ianao?
Mahatsapa tena ho very, tsisy intsony ny azo atao?
Aza matahotra fa henoy ny Teny Soa mahafaly izao
Raiso anio Jesosy Kristy, Ilay Mpamonjy anao

Ny aretina, ny olana isankarazany koa mety hiseho
Indraindray toa mila tsy ho tanty, eny tena mankaleo
Ento eo amin'ny Tompo fa hovahany daholo ireo
Eny, aza matahotra na mivadi-po akory ianareo.

Mivavaha ka aza mitsahatra fa andro farany izao rankizy
Mibebaha ary ampaherezo ny reraka ao anaty krizy
Hatsangano ny maty aza mamoy fo mangorona valizy
Aza matahotra; minoa fotsiny ihany, dia ho velona izy

Aza matahotra izay efa hiaretanao, fikiro ny Tompo rahalahy
Tsy maintsy hisy fanenjehana, ady atrehana, sy toetra voazaha
K'aza matahotra izay mamono ny tena, nefa tsy mahay mamono ny fanahy
Fa handray fiainana izay mahatoky hatramin'ny fahafatesana, izay sahy

Tahina RAVONISON
--------
Rohy:
Sokajy : Fiderana - Fankaherezana
820 0
Hametraka hevitra
Midira aloha
Momba ny tononkalo
Mpanoratra : Tahina Ravonison
Nampiditra : hery
Daty : 17/10/2019 18:23
Antsantononkalo
Nantsain'i
© Eugene Heriniaina - serasera.org 1999 - 2024 - page load 0.0094