"NIVAVAKA AHO OMALY" (Tolotra Misantatra)

Teo ampandinihana ny ratsiko efa vita,
Teo ampamisaina ny misiko tomika aho,
No tonga saina tampoka!
Potraka niakapoka nitsaoka ilay Tsitoha;
Nitomany fatratra nifona tao am-po fa...
Hay ny zava-bitako tsy faneho masoandro.

Ampitso ihany ny andro,
Niarina aho kinanjo tampoka avy teo.
Tao an'eritreritro no reko nisy feo malefaka nilanto.
"Hanohy ny zava-dratsy sa hiova ka hiato?"
Voafihiko ny tratrako.

Teo koa izay vao fantatro,
Fa hay ka hatrizay ny Tompo no naratrako.
Neniko ka neniko! Hoy ny ambeti-teniko
Loza fa ny tsarako rehetra hay afeniko.
Nanjaitra tonom-bavaka aho no sady nitomany!
Hiverina hivavaka aho manomboka eto androany.

Tolotra Misantatra (Zavona Rakoto) Antsirabe 24 desambra 2025
--------