Ry Madagasikarako (Vaoarilala Andriantsifanetra Rakotoarijaona)

Ry Madagasikarako!

Miarahaba no voalohanteny,
Fa tonga ity ny Asaramanitra
Ka ny mba faniriana ombieny
Dia ny fitahian'Andriamanitra

Fanambinana sy fahasoavana
Filaminana anatin'ny fifankatiavana
Ka mba ho latsampaka amin'ny tsirairay
Ilay Madagasikara Iray

Fahamarinana no ampinga
hiarovantsika ny tanindrazana
Fandalinana no tena bala
hitandroana ny fihavanana

Fandrosoana?kabary fohy arahin'asa
Izay ihany ny antsika Ramalagasy
ka todio re izay ratsy lasa
Ario, aleveno any Ra basy

Madagasikara sambatra!
Izay ny tanjona sa ahoana?
Fitandroana ny zo mahamalagasy
Aoka ho raikitra anaty taratasy.

Vaoarilala ANDRIANTSIFANETRA
RAKOTOARIJAONA
--------