Fitia (Vonjy)
Mbola tsisy niantsa
(Nalaina tao amin'ny vetso.serasera.org)
« Fitia »Teny mora nefa sarotra
Tsy mora rafitra
Ny hoe mitia
Toa mora lazaina izany
Nefa kosa tsy ny olona rehetra
No afaka mitia
Satria tsy voafetra
Izany hoe tia
Vonona ny hiaraka
Na mafy na sarotra
Ka tsy hifandao
Satria tiako ianao
Avy amin’ ny Ray
Izany fitiavana izany
Ka tsy ho lo mandrakizay
Satria velona indray
Iriko ianao hitia
Ry namako malala
Ka mahereza ary
Fa ho avy ny anjara
Izao no vavako
Ny mba hitia anao ry mamiko
Ka tsy haditra intsony
Satria fenonao ny foko
--------
Rohy: