Ilay tokana iray - XMen

Ny masony mijery toa mila hahafanina
Tena mafy, manintona! Sarom-patarina.
Ny tsikiny mamoly toa ody mahery
Manaitra mpandalo, manintona jery.

Ny famindrany mailaka, mitsatoka mora
Ny hanitra avoakany toa vonin'ny miora
Ny volony milanto, somary saritaka
Ny foko midoboka, mila hipatitaka !

Iny e, iny! Ilay tsara indrindra
Tompon'ny fitiavako, tsy azo afindra
Ilay hany mpajaka manampaka ny tontolo
Dia ny tontolon'ny foko iray manontolo.

Mombamomba

Mpanoratra : XMen

Tononkalo hafa