You are here: home > Vetso

ekeko tsotr'izao - Yhardina

Ataoko ahoana no fandà
Rano ho sotroina
Raha efa nikiriako mafy
Nandaniako ron-doha
Ny ahitako loharano
Iboiboika ao am-po
    
    Ataoko ahoana no fandà
    Fiposahan'ny masoandro
    Raha ny niainako hatrizay
    Aizin-kitroka miaro
    Oram-baratra mikija
    Lavitry ny hazavana
    Raho-mainty no mba hita

Ataoko ahoana no fandà
Sakaiza mahatoky
Raha fahanginan-dava reny
Oria namana mazana
No mamono karajia
Tsy mba nisy nitafana
    
   Ekeko tsotr'izao re!
   Iny tananao mitsotra
   Hanarina ahy zay lavo
   Iny ody entinao
   Hamelona,hitsabo
   Iny sandry anananao
   Ho andry ianteherako

Iny fonao zay mitepo
Izay hany sisa reko
FAHASAMBARANA ho ahy


Hevitra mandeha

msa (03/11/2020 17:23:57)

tena tsara ilay izy e

Hametraka hevitra

Midira aloha

Mombamomba

Mpanoratra : Yhardina

Nampiditra : yhardina
Daty : 18/06/2013
Mpamangy : 730
Mankafy : 1

Tononkalo hafa

MBOLA HO TIA
sitrako ry Tompo
O RY DADA!