MBOLA HO TIA (Yhardina)

Na ho rojoina vy aza ny tanako
Ho rantsanana mihintsy
Dia ny vavako mbola hiventy hira
Hikalona ho anao ry tiana

Na ho akombona sy paingorina
Ity vavako miantsa
Ny nifiko no hikatrakatraka
Hiventy ilay fitiavana

Na ho anjambaina aza ny masoko
Eny, ho kapain-doha
Ny foko mbola hiboika anaty
Hibada ny anaranao tsy lany

Na ho kendrena aza ny aiko
Na efa vovoka aza aho
Ny fanahiko no hidradradradra
Ny mbola tia re ry malala
--------