You are here: home > Vetso

RESY AHO - Djah Hco

Ny alina mangina no fankafizako ny androko,
Fa voaalok'ireo besandry ny anjara masoandroko.
Tsy mba misy ny rariny sy hitsiny ho ahy,
Fa mila ho voaposy hatramin'ny Fanahy.
-----
Ny anjarako aza moa eny an-tanan'ny hafa.
Ny ranomasoko noho ny alahelo efa tsy ho voafafa,
Satria mafy loatra ny tsindrio fa lavo.
Tena mafy ny mahazo rehefa olo-mavo.
------
Ny haja amin'izany efa any am-paladia.
Ny latsa sy opa efa mankahia.
Ny maha olona rehetra dia efa voahitsaka,
Satria mameno ny fiainako ny lainga sy fitaka.
-----
Ka mifona aho ry zalahy, avelao fa resy.
Tsy tahakan'ialahy isany matanjaka sy fetsy.
Manaiky aho fa resy, osa ny tena.
Kanefa aza anaovana tsindry azo lena.

Sokajy : Fiononana

Mombamomba

Mpanoratra : Djah Hco


Nampiditra : Djah Hco
Daty : 17/05/2017
Mpamangy : 478
Mankafy : 1
Ankafizo

Tononkalo hafa

..Ny lasako..
..Tavela..
ILAY ANDRO TALATA
IO DADA IO
FA MBOLA NOFY
FITIA FILAFILA
LOLO BABO
NY KANTO GASY

Hametraka hevitra

Midira aloha