You are here: home > Vetso

LOLO BABO - Djah Hco

Azo vakiana?

Ry zazavavy izay miserana ka manaitra ny fijery;
Tena babonao ny foko ary lasanao irery.
Indrisy aza moa fa babo koa ny Fanahy.
Te hamboraka ilay fitiavana kanefa tsy sahy.
-----
Tamin'ny voalohany nahitako anao niserana,
Dia niaiky volana aho fa ianao no fanaperana.
'Zany hanitrao misoko toa voa nafafy.
Nampanaja izany foko, nampidoboka azy mafy.
-----
Firifiry moa ny voninkazo noseranin'ity lolo,
Fa nolalovany fotsiny, nolalaoviny daholo.
Kanefa ianao nolalainy, nolazainy fa tiny.
Nandona ilay fony izay tsy manan-tsiny.
-----
Ka ho tsiniko ve ny handray ity penina?
Anambarako anao ilay fitia tsy azo afenina.
Fitia volamena no indro hatolotra,
Vokatry ny fo fa tsy an-tendromolotra.
-----
Koa saino ankehitriny ilay fitiavako maratra.
Ny fonao manaiky no hitsabo itony ratra.
Aboray am-pahatsorana fa aza asiana sariteny,
Izay valin-teninao na ho TSIA na ho ENY.
Misaotra tompoko!!!
(tononkalo nafohizina)

Sokajy : Fitiavana

Mombamomba

Mpanoratra : Djah Hco


Nampiditra : Djah Hco
Daty : 17/05/2017
Mpamangy : 950
Mankafy : 1

Tononkalo hafa

..Ny lasako..
..Tavela..
ILAY ANDRO TALATA
IO DADA IO
FA MBOLA NOFY
FITIA FILAFILA
RESY AHO
NY KANTO GASY